Eh, lallai! Wata irin baiwa ce da Allah ya hore wa Jaruma Fatima Hussaini.
Idan kana hira da ita a zahiri, zakaji tana in-ina, cikin nutsuwa da kamun kai. Amma da zarar an girka mata kyamara, sai ka rasa ko ita ce ɗin nan ko wata daban kamar wacce take rayuwa a wani sabon hali ne na karsashi da kwarjini.
Wannan kuwa baiwa ce ta musamman, domin duk wanda ya santa a zahiri, ya san cewa halayenta na nuni da rashin hayaniya, tana cikin natsuwa da saukin kai.
Amma idan ta hau aiki, musamman a fim, abun mamaki ne yadda take sauya gaba ɗaya, tana bayyana da cikakken karsashi da iya motsa rai.
Wannan yana nuna yadda Allah ke bai wa bayinsa baiwa ta musamman inda mutum ke iya wuce kansa idan lokaci yayi.
Jaruma Fatima tana daya daga cikin wadanda suka karbi wannan baiwa da gaskiya da rikon amana.
Darasi daga hakan?
Kada ka dauki mutum dangi da yadda kake ganinsa a zahiri. Wata kila akwai wutar baiwa a ransa da bata bayyana sai a gabar da ya dace. Kuma baiwa daga Allah ce ana iya ganin mutum yana shy a zahiri, amma idan lokaci ya yi, sai ya birge duniya!
