Wata matashiya ta fito fili ta bayyana cewa mijin aure take nema, amma mijin da zai iya riƙe ta bisa gaskiya tare da amincewa da amana, ba wai sai ya kasance mai dukiya sosai ba.
Ta ce abinda take nema shi ne mijin da yake da sana’a kuma yake da halin kirki, domin a cewarta hakan yafi dukiya daraja.
Ta kara da cewa wannan magana tata gaskiya ce, ba wasa ba, domin burinta shi ne ta yi aure na hakika wanda za ta zauna da mijinta cikin mutunci da fahimtar juna.
“Wallahi da gaske nake, aure nake so da gaskiya. Ba na neman mai arziki sai dai mai gaskiya da sana’a.”
Ta kuma yi kira ga samari da suke son yin aure da su fahimci wannan damar, domin aure ibada ne kuma hanya ce ta samun kwanciyar hankali da tsaftar rayuwa.
